O virgo prudentissima
quam coelo missus Gabriel
Supremi regis nuntius
Plenam testatur gratia.
Te sponsam factor omnium,
Te matrem dei filius
Te vocat habitaculum
Suum beatus spiritus.
Tu stella maris diceris
Quae nobis inter scopulos
Inter obscuros turbines
Portum salutis indicas.
Per te de tetro carcere
Antiqui patres exeunt:
Per te nobis astrifere
Panduntur aulae limina.
Audi virgo puerpera
Et sola mater integra
Audi precantes quesimus
Tuos Maria servulos.
Repelle mentis tenebras
Disrumpe cordis glaciem.
Nos sub tuum praesidium
Confugientes protege.
Beata mater et innupta virgo
gloriosa regina mundi,
intercede pro nobis ad Dominum.
Alleluia.
|
![[Zur Startseite]](/images/misc/logo-new.gif){kind=logo}
