1. O Jesu
O Jesu perpetua
Lux, tot in Antonio
Signis dans splendorem,
De quo non incongura
Nobis gloriatio.
O Jesu perpetua
Lux, tot in Antonio
Tibi dat honorem:
Gratia per hunc tua
Nos in vase proprio
Ferre da liquorem
Lampade non vacua
Lumen det religio,
Caritas ardorem:
Donec in domo sua
Pater frui praemio
Donet post laborem.
2. O proles
O proles Hispaniae,
Beate Antoni,
Pavor infidelium
Nova lux Italiae,
Mobile depositum
Urbis Paduanae!
Fer, Antoni, gratiae
Christi patrocinium:
Ne prolapsis veniae
Tempus breve creditum
Defluat inane.
3. Laus Regi
Laus Regi plena gaudio,
Qui merces militantium,
Seipsum dat Antonio
Militiae stipendium.
Antoni, vir egregie,
Qui tuae, quam praenoveras,
Hic vivens arrhas gloriae,
Christum videns acceperas.
Huius honorem gloriae,
Praedixeras jn Padua,
Quae tantis in te gratiae
Manet donis irrigua.
Per te, Pater cum Filio
Consolatorque Spiritus
A criminis contagio
Nos hic emundet funditus.
Amen.
4. Si Quaeris
Si quaeris miracula, mors, error, calamitas,
daemon, lepra fugiunt, aegri surgunt sani.
Cedunt mare, vincula; membra, resque perditas
petunt et accipiunt juvenes et cani.
Pereunt pericula, cessat et necessitas,
narrent hi qui sentiunt, dicant Paduani.
Gloria Patri et Filio, et Spiritui Santo.
Ora pro nobis, beate Antoni.
Amen.
|
![[Zur Startseite]](/images/misc/logo-new.gif){kind=logo}
