Vau
Et egressus est a filia Sion omnis decor eius:
facti sunt principes eius velut arietes non invenientes pascua,
et abierunt absque fortitudine: ante faciem subsequentis.
Zain
Recordata est Hierusalem dierum afflictionis suae,
et praevaticationis, omnium desiderabilium suorum, quae habuerat a diebus antiquis,
cum caderet populus eius in manu hostili, et non esset auxiliator.
Viderunt eam hostes, et deriserunt Sabbatha eius.
Heth
Peccatum peccavit Hierusalem, proptereainstabilis facta est.
Omnes qui glorificabant eam, spreverunt illam:
quia viderunt ignominiam eius.
Ipsa autem gemens, conversa est retrorsum.
Teth
Sordes eius in pedibus eius, nec recordata est finis sui.
Deposita est vehementer, non habens consolatorem.
Vide Domine afflictionem meam, quoniam erectus est inimicus.
Hierusalem, Hierusalem,
convertere ad dominum Deum tuum.
|
![[Zur Startseite]](/images/misc/logo-new.gif){kind=logo}
